Marani Logo

Wine Glossary

ცინცხალი (Crisp)

ნორჩი და ცოცხალი ღვინო მჟავიანობის კარგი წონასწორობით.

ციცქა

იმერეთის თეთრყურძნიანი ვაზის აბორიგენული ჯიში. მისგან აყენებენ მაღალხარისხოვან სუფრის ღვინოს.

ცოლიკაური

იმერეთის თეთრყურძნიანი ვაზის უნიკალური აბორიგენული ჯიში. გამოირჩევა ძვირფასი სამეურნეო თვისებებით, სოკოვან დაავადებათა მიმართ კარგი გამძლეობით, უხვმოსავლიანია. მისგან დამზადებული ღვინო საკმაოდ მაღალი ხარისხისაა.

ცოცხალი (Lively)

ღვინო მაღალი მჟავიანობით და ცოცხალი, ქორფა გემოთი. ეს ტერმინი გამოიყენება აგრეთვე შუშხუნა ღვინოებისათვის სასიამოვნო შუშხუნით.

ცრემლები (Tears)

ღვინის მიერ ჭიქის კედელზე დატოვებული ზეთოვანი კვალი, რომელიც იმის მანიშნებელია, რომ ღვინო მდიდარია ალკოჰოლით, შაქრით და გლიცერინით.

ცხარე (Spicy)

სანელების (მაგ. დარიჩინი, მიხაკი, აპილპილი) არომატი და გემო რომელიც ყურძნის ჯიშითაა განპირობებული.

ცხიმოვანი (Buttery)

1.არომატი, რომელიც სასურველია  ხარისხიანი ღვინოებისათვის, განსაკუთრებით თუ ისინი დამზადებულია მალოლაქტიკური დადუღების მეთოდით. 2.ტერმინი იხმარება რბილი და ტკბილი ღვინოების აღსანიშნავად. სიტკბოს დიდი შემცველობის გამო ის კვალიფიცირდება, როგორც ტკბილი.